Соёл, спорт, аялал жуулчлал, залуучуудын яам, Чингис хаан Үндэсний музей, ШУА-ийн Археологийн хүрээлэн хамтран Щвейцарын Холбооны улсын Цюрих хотын Ритберг музейд ирэх оны аравдугаар сард "Монголчууд: хоёр цаг хугацаа" нэртэй олон улсын үзэсгэлэнг гаргахаар ажиллаж байна.

Энэ хүрээнд Чингис хаан Үндэсний музейн захирал, академич С.Чулуун Ритберг музейн захирал Ионханн Белцтэй уулзаж, үзэсгэлэнгийн ерөнхий үзэл баримтлал, ном хэвлэл, хамтарсан соёлын сурталчилгаа, музейн боловсрол, үзэсгэлэнгийн кураторыг сургах зэрэг асуудлуудыг шийдвэрлэлээ.

Тус музей нь гадаад хамтын ажиллагаагаа өргөтгөж, Европын улс орнуудтай хамтран тусгай үзэсгэлэн хамтарсан ном хэвлэх, мэргэжилтэн бэлтгэх асуудлаар Унгар, Их Британи, Норвег, ХБНГУ, Чех, Франц, Дани улстай идэвхтэй бодит хамтын ажиллагааг эхлүүлж, арваад ажилтнуудаа сургаж эхлээд байна. Мөн 2025 онд Монгол Улсын Ерөнхийлөгчийн ивээл дор "Чингис хаан" үзэсгэлэнг Прага хотод гаргана. Хураах