image
clock
2025-04-03
"ERP-E.MONGOLIА”-ИЙН ЦАХИМ УР ЧАДВАРЫН СУРГАЛТАД ХАМРАГДАВ

Монгол улсын Засгийн газраас 2019 онд E-Mongolia төслийг санаачлан хэрэгжүүлж 2020 оны 02 дугаар сараас төрийн байгууллагуудын хэрэглээнд нэвтрүүлж эхлүүлснээр өдгөө 87 байгууллагын 1263 үйлчилгээг цахимаар авах боломж бүрдээд байна.

Чингис хаан Үндэсний музей нь 2022 оноос эхлэн төрийн байгууллагуудын дотоод үйл ажиллагааны нэгдсэн систем “ERP-E.MONGOLIА” өдөр тутамдаа ашигласаар ирсэн бөгөөд, системийн шинэчлэлтэй холбогдуулан төрийн үйлчилгээг хүртээмжтэй байлгах, байгууллагын дотоод үйл ажиллагаанд мэдээллийн технологийг үр дүнтэй ашиглах, зорилгоор цахим ур чадварын сургалтыг нийт ажилтнууддаа зориулан “И-Монгол академи” УТҮГ -ын Сургалтын хэлтсээс (2025.04.03) авлаа.

"E-Mongolia” системд одоогийн байдлаар 3.096 төрийн байгууллага, 58.709 төрийн албан хаагчид, 22 мянган иргэн идэвхтэй хэрэглэж буй тоон мэдээлэл байна.

Тус систем ДАН (танилт нэвтрэлтийн) системээр өөрийгөө таниулж нэвтэрсний дараа хэрэглэгчийн мэдээллийг Мэдээлэл хариуцагч байгууллагаас ХУР (Төрийн мэдээлэл солилцооны) системээр дамжуулан авч лавлагаа, тодорхойлолтыг татаж харуулдаг, хэрвээ олон шатлалт үйлчилгээ бол холбогдох төрийн байгууллагын үйлчилгээний хүсэлт шийдвэрлэх албан хаагч руу илгээх зарчмаар ажилладаг.