Чингис хаан Үндэсний музей, БНХАУ-ын Соёл, аялал жуулчлалын яам, БНХАУ-аас Монгол Улсад суугаа Элчин сайдын яам, Хятад, гадаадын соёлын солилцооны төв, УБ дахь Хятадын соёлын төв,Дүнхуан судлалын хүрээлэнтэй хамтран “Дүнхуаны соёл Улаанбаатарт” соёлын солилцооны арга хэмжээг зохион байгууж (2025.04.03-05) үзэсгэлэн гаргаж байна.

Дүнхуан урлагийн үзэсгэлэнгийн үеэр 18 өндөр нарийвчлал бүхий дижитал хэвлэмэл ханын зургийг дэлгэн үзүүлэх бөгөөд, бүтээлүүд нь барилга байгууламж, баримал, тэнгэр, бүжиг, хөгжим зэрэгийг хамарсан өвөрмөц өнгө аясыг шингээсэн Дүнхуаны урлагийн гүнзгий утга, өвөрмөц сайхныг Чингис хаан Үндэсний музейн 9 давхрын тусгай үзүүллэгийн танхимд 3 хоног дэлгэгдэнэ.

Дижитал үзэсгэлэн нь “Дүнхуан эрэлхийлэл - Дижитал Дүнхуаны дүрслэх үзэсгэлэн” нь онцлох хэсэг Могао агуйн 285-р агуйг 1:1 өндөр нарийвчлалтайгаар сэргээн бүтээсэн. Үзэгчид VR төхөөрөмж зүүж, ханын зургийн нарийн бүх деталыг 360 градусын өнцгөөс судлах боломжтой бөгөөд энэ нь “ханын зургийн дунд алхах” гайхамшигт мэдрэмжийг мэдрүүлнэ. “Би Дүнхуанд ханын зураг зурж байна” дижитал хэсэг нь үзэгчид сонгодог ханын зургийн шугам зургуудыг сонгон, өөрсдийн хүссэн өнгөөр будаж, дууссаны дараа өөрийнхөө “Дүнхуан ханын зургийг” хэвлэн авч болно. Дүнхуан соёлын аудио-видео үзэсгэлэн, “Тамганд буй Дүнхуан” гэх хэсгийн үзэгчдэд Дунхуан соёлыг олон талаас нь мэдрэх боломжийг олгож буйгаараа онцлогтой юм.

Үзэсгэлэнгийн үеэр дижитал туршилт, аудио-видео үзэсгэлэн, эрдэм шинжилгээний лекц, гар урлал, харилцан жүжиглэлт зэрэг олон төрөл үйл ажиллагааг олон нийтэд үнэ төлбөргүй зохион байгуулагдана.

"Дүнхуан соёлын 7 хоног”-ийн нээлтэд УИХ-ын Дэд дарга Б.Пүрэвдорж, БНХАУ-аас Монгол Улсад суугаа Онц бөгөөд Бүрэн Эрхт Элчин сайд Шэнь Миньжуань, Дүнхуан судлалын хүрээлэнгийн Дэд захирал Жао Линь-И, Монгол- Хятадын Найрамдлын Нийгэмлэгийн тэргүүн Г.Батсүх болон бусад төлөөлөл оролцож үг хэллээ.

Дашрамд сонирхуулахад, 2014 онд, Хятад-Монголын дипломат харилцаа тогтоосны 65 жилийн ой, “Хятад-Монголын найрамдлын жилийн” хүрээнд, “Хятадын соёлын 7 хоног” арга хэмжээний үеэр Дүнхуан соёл, урлагийн үзэсгэлэн Монголд анх удаа болж байв.