Чингис хаан Үндэсний музейн дижитал контентыг хөгжүүлэх үйл ажиллагааны чадавхийг бэхжүүлэхэд зориулж БНСУ-ын БНСУ-ын Олон улсын хөгжлийн хамтын ажиллагааны байгууллага (КОЙКА)-аас Монгол Улсын хүмүүнлэгийн салбарт анх удаа 6 сая.ам долларын өртөг бүхий төсөл хэрэгжихээр боллоо.

БНСУ-ын КОЙКА-ын Ерөнхийлөгч Чан Вонсам хүрэлцэн ирж, Чингис хаан Үндэсний музейн захирал, Академич С.Чулуун хүлээн авч уулзаж төслийн төлөвлөлт, гарах үр дүнгийн талаар ярилцлаа.

Энэхүү төсөл нь гурван жилийн хугацаанд (2025-2028) хэрэгжиж, музейн бодлого үйл ажиллагаг дэмжих, үзмэр олдворыг хамгаалах, бүртгэх, үзэсгэлэн төлөвлөх, хэрэгжүүлэх, боловсрол, маркетингийн чиглэлээр хоёр улсад боловсон хүчний чадавхийг бэхжүүлэх сургалт зохион байгуулагдаж, үр дүнд нь нэгдсэн гарын авлага боловсруулж салбарын хэмжээнд ашиглагдах юм.

Мөн Чингис хаан Үндэсний музейд хүүхдийн музей бий болгох, музейн онцлох үзмэрийн хэсгүүдэд амрах хэсэг дижиталжих, музейг цахим сан хөмрөгтэй болгох зэрэг олон ажлуудыг шинээр хийгдэхээр тусгагдсан.