Өвлийн тэргүүн сарын шинийн нэгэн, Эзэн Богд Чингис хааны мэндэлсний 863 жилийн ой, “Монгол бахархлын өдөр”-өөр Монгол Улсын Ерөнхий сайдын Ажлын алба, ССАЖЗЯ-аас Монгол Улсаас ЮНЕСКО-д бүртгэгдсэн Соёлын өвийн батламжийг Чингис хаан Үндэсний музейд (2025.11.21) гардуулан өглөө.

НҮБ-ын Боловсрол, шинжлэх ухаан соёлын байгууллага буюу ЮНЕСКО-ийн дэлхийн өвийн жагсаалт хүн төрөлхтний соёлын биет бус өвийн төлөөллийн жагсаалт, Дэлхийн дурсамж хөтөлбөрийн ОУ-ын жагсаалтад Монгол Улс түүх, бичиг соёлын үнэт таван өвөө амжилттай бүртгүүлсэн билээ.Үүнд:

• Буган чулуун хөшөө, хүрлийн үеийн холбогдох дурсгалууд ЮНЕСКО-ийн Дэлхийн өвийн жагсаалтад бүртгүүлсэн Батламж;

• Наурызын баяр”-ыг ЮНЕСКО-ийн хүн төрөлхтний соёлын биет бус өвийн төлөөллийн жагсаалтад бүртгүүлсэн Батламж;

• “Хүйс толгойн хөшөөний бичээс”-ийг ЮНЕСКО-ийн Дэлхийн дурсамж хөтөлбөрийн ОУ-ын жагсаалтад бүртгүүлсэн Батламж;

• “Дээрээс тогтоосон дүрсийн тус бүрийг бүртгэсэн бичиг”-ийг ЮНЕСКО-ийн Дэлхийн дурсамж хөтөлбөрийн ОУ-ын жагсаалтад бүртгүүлсэн Батламж;

• “Монгол нүүдлийн зан үйл”-ийг Хүн төрөлхтний соёлын биет бус өвийн төлөөллийн жагсаалтад бүртгүүлсэн Батламж;

Чингис хаан Үндэсний музейд хадгалуулсан дээрх 5 батламжийг CCАЖЗ-ийн сайд Ч.Ундрам музейн Захиргаа, санхүү хамтын ажиллагааны төвийн эрхлэгч Т.Энхтунгалагт гардуулав.