“Монгол бахархал” уриан дор зохион байгуулагдаж буй “Бүтээлч сарын аян” улс орон даяар өргөн хүрээтэй үргэлжилж байгаа билээ

Тус аяны хүрээнд Чингис хаан үндэсний музейн санаачлан хэрэгжүүлж буй “Өндөр гэгээний бүтээлийн хүрээ “Сарьдгийн хийд” боловсролын нэгдсэн хөтөлбөрт Ражив Гандийн нэрэмжит Үйлдвэрлэл урлалын Политехник коллежийн 1 дүгээр курсийн оюутнууд тогтмол хамрагдаж онолын мэдлэгээ бодит үзмэр, баримтат эх сурвалжуудтай уялдуулан гүнзгийрүүлэн суралцаж байна.

Ражив Гандийн нэрэмжит Үйлдвэрлэл урлалын Политехник коллеж нь Чингис хаан Үндэсний музейтэй хамтран ажиллах гэрээний хүрээнд оюутнуудаа музейн боловсролын хөтөлбөрт жил бүр тогтмол хамруулдаг бөгөөд оюутнуудад түүх, соёлын өвийн ач холбогдлыг ойлгуулах, сургалтын шинэ арга зүйгээр ур чадварыг нь дэмжих, бүтээлч сэтгэлгээг нь хөгжүүлэхэд чиглэсэн үйл ажиллагаанд дэмжлэг үзүүлэн ажилладагт талархал илэрхийлье.